Welcome to the Whakapapa Club Forums where you will find a wealth of information.  You are free to browse the forums, but if you wish to comment or add requests, you must register, which is quick and easy and you can even use your Facebook Login.

Once you have signed up and posted either a reply or a new post it will not appear in the forums until it has been approved – this is to stop spam from appearing and keeping our Whakapapa Club Forums relavent for Whakapapa only.

If someone helps you don’t forget to acknowlege them.

Ngati Unu, Kahu, Ngawaero  

  RSS
maniapoto_jack OWC
(@maniapoto_jack-owc)
Active Member

Teena taatou rau rangatira maa,

E kimi ana au ngaa uri whakaheke o ngaa hapuu nei o Maniapoto, ko Ngaati Unu, ko Ngaati Kahu me Ngaati Ngaawaero. Kaare he tino take taku whai nei, engari he waa hei whakawhiti koorero kia whakamoohio atu taatou ia taatou ngaa whanaunga o ngeenei hapuu. Kiaora

Edited by - maniapoto_jack on Nov 02 2006 11:26:35 AM

Quote
Posted : 02 November, 2006 11:04 am
matahuru OWC
(@matahuru-owc)
Eminent Member

Tena koe maniapoto jack

Ko au tetahi uri o te hapu Ngaati Kahu. He tino iti tooku nei mohio e pa ana taua hapu na te mea kua heke mai toku tupuna ki matahuru i te tau 1886.

I mua tera ka noho ia ki Makomako, i waenganui ki Kawhia me Whaingaroa. I whaawhai ia i te pakanga o rangiriri. Ko te hauhau hoki.

Katahi ano te mutunga e rapu ana nga korero tawhito to maatou tupuna i te Kooti Whenua Maori. Kaore maatou kua moohio ko Ngati Kahu tona hapu tuuturu i mua tera, na te mea he iti nga korero mo taua hapu e kite.

Mehemea e moohio ana koe etahi korero mo taua hapu, ahakoa he iti, me te nuinga oou korero, he tino taonga ki te uri o to maatou tupuna.

Edited by - matahuru on Nov 02 2006 12:05:55 PM

ReplyQuote
Posted : 02 November, 2006 12:02 pm
maniapoto_jack OWC
(@maniapoto_jack-owc)
Active Member

Chur tuu-much. Kei whea a Matahuru e hoa?
He iti hoki taku moohio e paa ana ki teenei hapuu. He hapuu noo te marae o Te Koopua me Kakepuku Papakainga. I kii mai taku matua keekee ki a au he aho morehu mai i te iwi i noho i te takiwaa o Waikato-Maniapoto i mua atu i taenga mai o Tainui araa ko Ngaati Kahupungapunga, kua whakapotongia ki Ngaati Kahu. Koia ngaa koorero e moohio nei au moo te hapuu nei.

Edited by - maniapoto_jack on Nov 02 2006 12:21:20 PM

ReplyQuote
Posted : 02 November, 2006 12:19 pm
matahuru OWC
(@matahuru-owc)
Eminent Member

Kia ora e hoa

Ko Matahuru e noho ai ki te taha tonga o te roto Waikare. E tata ana ki rangiriri. Kua moohio maatou ke te takiwa o taua hapu ki Maniapoto ara, Mangatoatoa.

Tena koe e tama, ko koe ra pea he taiohi tonu engari (tekau ma waru oou tau?)he kauri e pakeke haere. Ka mau te wehi.

ReplyQuote
Posted : 02 November, 2006 1:43 pm
taiga
(@taiga)
Trusted Member

Tera ano taku mohio mo Ngati Kahupungapunga i noho kainga ki te Horohoro i mua ra ano i te taenga mai o matou ki konei. Katahi ratou te maioha atu nei ki Tia, kia haneanea nei te noho torowaenga. Ara ra, ka noho ke mai a Tia, ki ko, a, ka hunuku ki Taupo kia kimi whenua mona.

ReplyQuote
Posted : 02 November, 2006 2:54 pm
matahuru OWC
(@matahuru-owc)
Eminent Member

Ae taiga kua rongo au taua korero i mua engari kaore au e mohio ko Ngati kahu me Ngati Kahupungapunga e rite tonu te hapu. Ko to matou poheehee i te hapu o Te Au Pouri.

Nga korero eetahi atu kua noho ai raatou ki te whenua o Ngati Raukawa engari Ko Ngati Raukawa e patua. Toku nei maramatanga e mate ana ratou katoa engari toku tupuna me ona tuakana, teina, me nga maatua kua ora tonu i taua waa na te mea e rima nga whakatipuranga noa iho kua whanau mai au! lol

ReplyQuote
Posted : 03 November, 2006 12:15 am
Share: